أحبته فنشر صورها على أصدقاءه

هذة
مشكلة أرسلتها صديقة للمجلة ولم تذكر اسمها ، وقد آثرت نشرها كما هي دون
اي تعديل ليصلكم الاحساس المرير الذي وصلني وأنا أقرؤها ...


تقول صاحبة المشكلة ....


اختي عمرها 22 سنة ، قبل سنتين اشتغلت في محل بيع ملابس بعد ما مضى على شغلها شهرين حبت شاب بشتغل بنفس السوق وهو حكالها انه بيحبها وبدت بينهم مكالمات على التلفون وقربت منه كتير وما خلته يحتاج إشي
اعطته متل ما كل بنت بتعطي حبيبها حتى بلشت تبعتله صورها على التلفون وبعديها ب 3 اشهر رن تلفونها رقم غريب ما ردت بعدين اجى صديقه على المحل الي بتشتغل فيه وورجاها صورها الي بعتتهم هي لحبيبها وحكالها كل المكالمات الي كانت بينكم
قاللها انا كنت بسمعها فصارت تبكي وسالته وانت شو بدك مني هلق ؟ قاللها انا بحبك وبدي امشي معاكي وتتركي حبيبك والا راح تشوفي اللي عمرك ما شفتيه مني ...

فعلا
بدت تبعد عن صاحبها ودخلت في علاقة مع التاني لانها كانت خايفة انه يفضحها
، اما حبيبها فتزوج واحدة تانية ، وهيه تركت الشغل وتركت صاحبه وهلا طلعلها من جديد شاب عمره 19 السنة كان صاحب لحبيبها كمان وبس عرف انها بطلت
وكان هو كمان عنده نسخة من الصور اجى دوره يهددها بالصور ولهلا بيحكي معاها على اساس انه بيحبها بس هي مو عارفة شو تعمل لانها فكرت تغير رقمها بس هاد عنده رقم امها وابوها ففضلت تحكي معاه
والاهم من هاد هلا الي كانت تحبه اكتشفت انه بيحكي مع وحداه متزوجة وعندها اولاد وبيحكيلها بحبك برضه مع انه متزوج فجابت رقم مرته وحابه تخرب بيته متل ما خرب بيتها وكذب عليها هاي القصة وانا حابة كتير اعرف شو رايك بالانتقام الي بدها تعمله بانها تحكي لمرته

انا من راي الاستمرار بالغلط هو اكبر غلط وهي لازم ابل اي اشي بدها تعملو تواجه اهلها تحكيلهم اصتها وهيك مهماكان عقابهم الها افضل من استمرارها بطريق ما الو نهايه يعني بتسكت واحد بيطلع غيرو وبالنسبه للانتقام من الحبيب الخائن خرجو تعمل فيه اكتر من هيك وتحكي لمرتو لانو ما عندو لادين ولا ضمير وهيك بتكشو على حقيقتو امام مرتو وعائلتو
(مجرد راي في الاخر وما حد بيملك غيرها القرار)

كلامك صحيح اخي نور الاقصى
شكرا الك على المرور العطر من مواضيعي
ارجوا انها تنال اعجاب الجميع